Vaktsími presta: 893-5900
Vaktsíminn einungis ætlaður brýnum málum sem ekki þola bið fram að viðtalstíma prestanna.
Fréttasafn
Leirárkirkja: Kríla-jólasöngur laugardaginn 20. desember kl. 10:30
Velkomin í jólasöngstund í Leirárkirkju kl. 10:30 laugardaginn 20. desember. 3-6 ára börnum boðið að syngja í krílakór. Brynhildur Karlsdóttir leiðir stundina, boðið upp á léttar veitingar í lokin. Við hlökkum til að sjá ykkur!
Helgihald á jólum – breyttur tími á aðfangadag
Helgihald um jól og áramót verður með sama sniði og verið hefur undanfarin ár, að því undanskyldu að aftansöngur í Akraneskirkju á aðfangadag verður kl. 17. Aðfangadagur 24. desember Akraneskirkja Aftansöngur kl. 17 Miðnæturmessa kl. 23 Hallgrímskirkja í Saurbæ Miðnæturmessa kl. 23 Jóladagur 25. desember Akraneskirkja Hátíðarguðsþjónusta kl. 14 Hjúkrunarheimilið Höfði Hátíðarguðsþjónusta kl. 12:45 Leirárkirkja Hátíðarguðsþjónusta kl. 13:30 Innra-Hólmskirkja Hátíðarguðsþjónusta kl. 15
Jólasöngur við kertaljós
Miðvikudaginn 17. desember kl. 21 í Akraneskirkju Kór Akraneskirkju syngur og leiðir almennan söng. Hilmar Örn Agnarsson leikur undir og stjórnar. Komdu og syngdu með, njóttu aðventu á kyrrum nótum við kertaljós og söng. Þetta er þriðja árið í röð sem við erum með jólasöng á aðventunni, þar sem kórfélagar leiða söng, ýmsir gestir hafa kíkt við, barnakór og fleiri. Stund til að syngja saman jólalögin og eiga skemmtilegt eftirmiðdegi í aðdraganda jóla. Nú [...]
Jólasöngur í guðsþjónustu 14. desember – Hljómur syngur
Þriðja sunnudag í aðventu, 14. desember, verður guðsþjónusta í Akraneskirkju kl. 11 Hljómur syngur jólasöngva, stjórnandi Lárus Sighvatsson. Organisti Hilmar Örn Agnarsson. Sr Ólöf Margrét Snorradóttir þjónar. Meðhjálpari Ósk Jónsdóttir. Verið velkomin!
Ljós á leiði
Ljós a leiði verða afgreidd í kirkjugarðinum á Akranesi laugardaginn 6. desember frá kl. 13.00 til 15.30. ATHUGIÐ. Afgreiðslan er í skúrnum í kirkjugarðinum. Aðilar sem óska eftir ljósi á leiði í Innra-Hólmskirkjugarði, vinsamlegast hafa samband við Gunnar Hafsteinsson í síma 898 4644 Verð kr. 9.000 Nánari upplýsingar veita Valdimar Þorvaldsson í síma 899 9755 eða netfang valdith@aknet.is og Ólafur Gr. Ólafsson í síma 844 2362 eða netfang oligretar@aknet.is LIONSKLÚBBUR AKRANESS
Aðventuhátíð í Hallgrímskirkju í Saurbæ og jólaball í Akraneskirkju
Sunnudaginn 7. desember verður mikið um að vera í Garða- og Saurbæjarprestakalli. Það verður Jólaball í Safnaðarheimilinu Vinaminni kl. 11. Þar hlustum við á jólasögu og göngum saman í kringum jólatréð. Hver veit nema jólasveinninn kíki í heimsókn. Einnig verður Aðventuhátíð í Hallgrímskirkju í Saurbæ kl. 20. Þar mun stúlknakór úr Heiðarskóla syngja ásamt Kór Saurbæjarprestakalls. Undirleikari er Jónína Erna Arnardóttir og stjórnandi Margrét Bóasdóttir. Einar Sigurðsson flytur hugleiðingu. Heitt súkkulaði og smákökur. Eigum saman hátíðlega stund [...]
Jólasöngstund í Akraneskirkju miðvikudaginn 3. desember kl. 17:15
Nú er komin hefð fyrir jólasöngstund í Akraneskirkju á aðventunni, þar sem við eigum ljúfa stund og syngjum saman uppáhalds jólalögin okkar. Hilmar Örn organisti stýrir og leikur undir, félagar úr Kór Akraneskirkju leiða söng. Jólasöngstundirnar verða sem hér segir: Miðvikudaginn 3. desember syngur Barnakór Akraneskirkju einnig með okkur - stundin hefst kl. 17:15 Miðvikudaginn 10. desember kl. 17:15 Miðvikudaginn 17. desember kl. 21
Opið hús 3. desember: Aðventugleði – Komdu og vertu með!
Miðvikudagur 3. desember Kyrrðarstund í Akraneskirkju kl. 12:10 - súpa í Vinaminni á eftir Opið hús í Vinaminni - aðventugleði - dagskrá hefst kl. 13:15 Upplestur, söngur og gaman á aðventugleðinni og að sjálfsögðu smákökur. Tveir fræknir Skagamenn gleðja okkur með söng, þeir Gunnar Már Ármannsson og Sigursteinn Hákonarson. Hilmar Örn organisti leikur undir. Verið velkomin!
Aðventuhátíðir fyrstu helgina í aðventu
Laugardagur 29. nóvember kl. 16 í Vinaminni Aðventuhátíð fjölskyldunnar Barnakór Akraneskirkju sýnir söngleikinn Gott ráð, Engilráð. Stjórnandi Katrín Valdís Hjartardóttir, undirleikari Hilmar Örn Agnarsson. Kveikt á aðventukransi. Almennur söngur og hugleiðing á aðventu. Heitt súkkulaði og piparkökur eftir stundina - verið velkomin! Sunnudagur 30. nóvember kl. 20 í Akraneskirkju Aðventuhátíð Ólína Ingibjörg Gunnarsdóttir flytur hugleiðingu, Kór Akraneskirkju syngur, organisti Hilmar Örn Agnarsson. Hátíðleg stund í upphafi aðventu - verið velkomin!
Aðventa og jól í skugga áfalla, sorgar og missis 27. nóvember kl. 20
Erindi um sorg og sorgarviðbrögð í Vinaminni fimmtudaginn 27. nóvember kl. 20 Jólin eru tími hátíðar og gleði, tími samverustunda fjölskyldunnar þar sem nýjar minningar verða til. Jólin og aðventan reynast sumum erfiður tími, einkum í kjölfar breyttra aðstæðna, til dæmis eftir ástvinamissi eða önnur þung áföll. Sr Jón Ármann Gíslason fjallar um sorg og sorgarviðbrögð og ýmis bjargráð sem nýst geta syrgjendum. Verið velkomin!
Opið hús miðvikudaginn 26. nóvember kl. 13:15 – Bingó!
Miðvikudagur 26. nóvember Kyrrðarstund í Akraneskirkju kl. 12:10 - ljúfir tónar, kyrrð og bæn. Súpa í Vinaminni eftir stundina. Opið hús í Vinaminni kl. 13:15 Jóla-Bingó! Spilum bingó og skemmtum okkur saman. Kaffi og spjall í lokin að vanda. Kr. 1000 Verið velkomin! Alla miðvikudaga er kyrrðarstund í Akraneskirkju kl. 12:10. Ljúfir orgeltónar, ritningarlestur og bæn einkenna þessar stundir. Í miðri viku er gott að taka frá smá tíma og setjast niður í kirkjunni og [...]
Jólamarkaður Innra-Hólmskirkju, dagana 29. og 30. nóvember í Miðgarði, Hvalfjarðarsveit frá klukka 13 til 17 báða dagana. Á markaðnum verður til sölu ýmiskonar handverk, sultur, kleinur, broddur, brauð og kökur. Einnig verður hægt að kaupa kaffi, rjómavöfflur og smákökur. Nefndin Ath enginn posi á staðnum