Nú í byrjun september tók nýr organisti, Hilmar Örn Agnarssonar við starfi í Akraneskirkju. Hilmar Örn er ráðin til eins ár en Sveinn Arnar Sæmundsson er í ársleyfi.

Hilmar Örn hefur áður verið organisti í Skáholtsdómskirkju á árunum 1991 til loka árs 2008, þar stjórnaði hann öflugu tónlistarlífi og kórastarfi. Í upphafi árs 2009 var hann ráðin organisti Kristskirkju í Landakoti, síðustu ár hefur hann starfið sem organisti og kórstjóri í Grafarvogskirkju.

Hilmar Örn mun stjórna Kór Akraneskirkju og er þegar byrjaður að vinna að metnaðarfullri dagskrá.

Við bjóðum Hilmar Örn velkomin til starfa um leið og við þökkum Sveini Arnari fyrir gott samstarf og óskum honum velfarnaðar á nýjum stað.