Útfararþjónusta Akraneskirkju

Sorgin sækir alla heim um síðir. Það kennir mannleg reynsla. En á sama tíma og hún skyggir fyrir sólu þurfa aðstandendur að huga að útför ástvinar. Þá er dýrmætt að njóta fulltingis þeirra sem vel þekkja til á þeim vettvangi.

Útfararþjónusta Akraneskirkju annast útfarir frá Akraneskirkju og öðrum kirkjum innan prófastdæmisins. Í rúma þrjá áratugi hefur hún veitt aðstandendum mikilvæga aðstoð við undirbúning og framkvæmd útfara.

Útfararþjónusta Akraneskirkju annast alla þá þætti sem aðstandendur óska eftir.


Við andlát þarf fyrst að huga að eftirfarandi.

Hafa samband við prest
Hann dagsetur kistulagningu og útför í samráði við aðstandendur
-auk þess sem hann er sálusorgari

Hafa samband við útfararþjónustu
Útfararstjóri hittir aðstandendur og hugar að undirbúningi


 

Hvað tekur Útfararþjónusta
Akraneskirkju að sér?

 

  • Líkflutninga og geymslu á líkum
  • Útvegar kapellu fyrir kistulagningu
  • Útvegar kirkju fyrir útför
  • Útvegar safnaðarheimili eða annað húsnæði fyrir erfidrykkju
  • Ræður organista, kórfólk og annað tónlistarfólk
  • Fær hjúkrunarfræðing til að búa um hinn látna/hina látnu
  • Aðstoð við val á kistu
  • Pantar kistuskreytingu
  • Útvegar legstað í kirkjugarði ef hann er ekki fyrir hendi
  • Útvegar dánarvottorð
  • Aflar líkbrennsluheimildar, ef um bálför er að ræða, og sér um flutning á duftkeri
  • Útvegar kross á leiði og uppsetningu hans strax á eftir greftrun
  • Tilkynnir andlát í fjölmiðlum – ef þess er óskað

 


 

Önnur minnisatriði

 

Dánarvottorð fara aðstandendur sjálfir með til skiptaráðenda/sýslumanns, tilkynna andlátið og fá heimild fyrir útförinni (graftarleyfi).

Líkmenn eru ýmist 6 eða 8

Útfararstyrk veita mörg stéttarfélög

Kostnaður við prestsþjónustu er greiddur af kirkjugörðunum, svo og kostnaður við grafartöku

Prestur setur upp athöfnina og raðar niður sálmum og lögum í samráði við aðstandendur


 

Dæmi um uppsetningu á hefðbundinni útför

 

Forspil
Bæn
Sálmur
Ritningarorð
Sálmur
Guðspjall
Sálmur (jafnvel einsöngur / einleikur)
Minningarorð
Bæn / Faðir vor
Sálmur
Moldun
Sálmur: Allt eins og blómstrið eina
Blessun
Eftirspil


 

Almennar upplýsingar

 

Fullt nafn hins látna

 

Lögheimili

 

Póstnúmer

 

Staður

 

Kennitala

 

Fæðingarstaður

 

Dánarstaður

 

Dánardagur

 

Stétt eða staða

 

Nafn nánasta aðstandanda

 

Lögheimili

 

Staður

 

Póstnúmer

 

Kennitala

 

Heimasími

 

Vinnusími

 

Er grafreitur fyrir hendi?
Hvert er þá númer hans og nöfn þeirra sem þar hvíla, ásamt síðasta heimilisfangi


 

Útfararstjóri

Indridi Valdimarsson
Indridi Valdimarsson

 

Indriði Valdimarsson er útfararstjóri hjá Útfararþjónustu Akraneskirkju. Hann hefur mikla þekkingu á kirkjulegum vettvangi og sat í sóknarnefnd í meira en áratug, síðast sem formaður. Hann söng m.a. með kór Akraneskirkju í tæpan aldarfjórðung og var formaður stjórnar kórsins um tíma.

Útfararstjóri sýnir aðstandendum fullan trúnað og er bundinn þagnareiði um allt það sem fram fer í starfi hans. Lögð er áhersla á persónulega þjónustu sem einkennist af nærgætni, hlýju og virðingu.

 

Skrifstofa Útfararþjónustunnar er opin
frá kl 10:00 til 16:00 alla virka daga

Skólabraut 13, 300 Akranesi

Símanúmer 433-1500 og 896-4703

Heimasími útfararstjóra er 431-2052

Tölvupóstur