Sunnudaginn 17. september er sunnudagaskóli í Akraneskirkju kl. 11, þar verður söngur, sögur og gleði. Kvöldmessa í Akraneskirkju kl. 20 þar sem áhersla verður á Davíðssálma, taize sálmar sungnir ásamt kvöldsálmum. Kór Akraneskirkju syngur, organisti Hilmar Örn Agnarsson, sr. Ólöf Margrét þjónar. Verið velkomin til kirkju!

Fyrsta opna hús haustsins verður í safnaðarheimilinu Vinaminni miðvikudaginn 13 september kl. 13.15. Sr. Ólöf Margrét sér um stundina. Hilmar Örn organisti og Steini í Dúmbó sjá um tónlistina. Við hlökkum til að sjá ykkur og eiga góða stund saman Kaffi og meðlæti í lok samveru kr. 500.

Á alþjóðaforvarnardegi sjálfsvíga, þann 10. september, verður boðið upp á kyrrðar- og minningastund í Akraneskirkju kl. 20. Kveikt á kertum í minningu látinna ástvina, hugleiðing og tónlist. Sr. Ólöf Margrét leiðir stundina, Birgir Þórisson leikur á orgel. Kaffisopi í Vinaminni að samveru lokinni. september – alþjóðlegur forvarnardagur sjálfsvíga: Til að minnast þeirra sem fallið hafa fyrir eigin hendi Til að tendra ljós til þeirra sem á þurfa að halda Til stuðnings forvörnum gegn sjálfsvígum [...]

Vinaminni 6. september kl. 13:30: Í fyrsta Karlakaffi haustsins mætir Hilmar organisti og gleður með tónlist og glensi. Þá verður kynning á dagskrá vetrar og spjall yfir kaffi og köku. Safnaðarstarfið hefst að nýju nú í september og verður með svipuðu sniði og verið hefur. Á miðvikudögum er kyrrðarstund í Akraneskirkju kl. 12:10 þar sem ljúfir orgeltónar hljóma ásamt bæn og ritningarlestri. Súpa í Safnaðarheimilinu Vinaminni á eftir, verð kr. 500. Fyrsta miðvikudag í [...]

Á síðasta sunnudegi í ágúst er kvöldmessa í Akraneskirkju kl. 20. Ljúfir kvöld- og sumarsálmar, ritningarlestur og bæn ásamt prédikun. Sr. Ólöf Margrét þjónar, organisti Hilmar Örn Agnarsson, félagar úr Kór Akraneskirkju leiða söng. Verið velkomin!

Það verður kvöldmessa í Akraneskirkju sunnudagin 20. ágúst kl. 20. Verið hjartanlega velkomin!

Vetrarstarfið er nú að hefja göngu sína á nýjan leik. Sunnudaginn 13.ágúst kl. 20 er helgistund í Akraneskirkju. sr. Þráinn Haraldsson leiðir stundina þar sem textar dagsins verða íhugaðir með aðferðafræði skóla orðsins. Mánudaginn 14. ágúst hefst svo fermingarfræðslan með sumarnámskeiði fermingarbarna í Vinaminni.

Útvarpsguðsþjónusta Sunnudaginn 16. júlí kl. 11 verður útvarpað á Rás 1 guðsþjónustu frá Hallgrímskirkju í Saurbæ. Kór Saurbæjarprestakalls syngur, organisti er Zsuzsanna Budai. Sr. Þóra Björg Sigurðardóttir þjónar fyrir altari en sr. Ólöf Margrét Snorradóttir prédikar. Guðsþjónusta í júlí Sunnudaginn 23. júlí verður kvöldmessa kl. 20 í Akraneskirkju í tengslum við hátíðina Hinsegin Vesturland. Starfið í sumar Í júlí er skrifstofa Akraneskirkju í Vinaminni opin frá kl. 10-14. Hefðbundnu safnaðarstarfi vetrarins lauk í maí [...]

Messuhlé verður í júlí og fram til 13. ágúst. Helgihald síðustu helgar júnímánaðar er sem hér segir: Hallgrímskirkja í Saurbæ Göngumessa kl. 11. Gengið í fallegu umhverfi kirkjunnar, m.a. að Hallgrímslind og Hallgrímssteini. Sr. Þóra Björg Sigurðardóttir og sr. Kristján Valur Ingólfsson leiða gönguna. Akraneskirkja Kvöldmessa kl. 20 Kór Akraneskirkju syngur, organisti Hilmar Örn Agnarsson. Prestur sr. Ólöf Margrét Snorradóttir. Velkomin til kirkju!

Við fögnum 17. júní - Gleðilegan þjóðhátíðardag! Leirárkirkja Hátíðarguðsþjónusta kl. 11. Kór Saurbæjarprestakalls syngur, organisti Zsuzsanna Budai, prestur Ólöf Margrét Snorradóttir. Akraneskirkja Hátíðarguðsþjónusta kl. 13. Andrea Kristín Ármannsdóttir, nýstúdent frá FVA, flytur ávarp. Sr. Ólöf Margrét Snorradóttir þjónar. Organisti er Arnhildur Valgarðsdóttir, félagar úr kór Akraneskirkju og Söngfjelaginu leiða söng. Safnaðarheimilið Vinaminni Hátíðarkaffisala Kirkjunefndar Akraneskirkju kl. 14. Verð kr. 2500 fyrir fullorðna og kr. 500 fyrir börn 6-13 ára. Posi á staðnum.

Á hvítasunnudag, 28. maí eru tvær messur í prestakallinu. Hátíðarguðsþjónusta í Akraneskirkju kl. 11. Kór kirkjunnar syngur, organisti Hilmar Örn Agnarsson. Prestur séra Ólöf Margrét Snorradóttir. Fermingarguðsþjónusta í Innra-Hólmskirkju kl. 14 Fermdir verða Árni Matias Axelsson og Oddur Ottesen. Kór Saurbæjarprestakalls syngur, organisti Zsuzsanna Budai. Sr. Ólöf Margrét þjónar ásamt sr. Kristjáni Val Ingólfssyni. Gleðilega hátíð! Hvítasunnan er auk páska og jóla ein af sameiginlegum höfuðhátíðum kristinnar kirkju. Hún er 50 dögum eftir páska [...]

Í lok maí verða haldnir þeir þrír aðalsafnaðarfundir í prestakallinu sem ekki hafa þegar farið fram. Aðalsafnaðarfundur Leirársóknar verður haldin í Leirárkirkju þriðjudaginn 23. maí kl. 20. Aðalsafnaðarfundur Innra-Hólmssóknar verður haldin í þjónustuhúsinu við Innra-Hólmskirkju miðvikudaginn 24. maí kl. 20. Aðalsafnaðarfundur Saurbæjarsóknar verður haldin í Hallgrímskirkju í Saurbæ fimmtudaginn 25. maí kl. 20.30. Á dagskrá allra fundana eru hefðbundin aðalfundarstörf. Á þessum fundum hafa allir meðlimir Þjóðkirkjunnar í viðkomandi söfnuði málfrelsi og atkvæðisrétt og [...]