Garða- og Saurbæjarprestakall

Minnum á bænastundina í Akraneskirkju kl. 12:10 og súpu á eftir í Vinaminni. Opið hús í Vinaminni annan hvern miðvikudag kl. 13:15 Miðvikudaginn 8. febrúar stýrir Ólöf Margrét dagskránni, létt spjall, fræðsla og skemmtun. Söngsystur úr tónlistarskólanum koma og syngja nokkur lög. Þær heita Hanna Bergrós, Hekla, Marta Lind og Guðrún Karítas. Verið velkomin í opið hús! Kaffi í opnu húsi kr. 500.

Í fjölskylduguðsþjónustu er fagnaðarerindinu miðlað í biblíusögu, söng og leik. Þema dagsins í dag er vináttan. Verið velkomin!  

Einar K. Guðfinnsson er gestur okkar í Karlakaffinu nk. miðvikudag í Safnaðarheimilinu Vinaminni. Erindið hefst kl. 13:30. Karlakaffi er að jafnaði fyrsta miðvikudag í mánuði kl. 13:30-15:00, þangað fáum við góða gesti í heimsókn sem segja frá starfi sínu, áhugamáli eða miðla öðrum fróðleik. Þetta er vettvangur fyrir herramennina að hittast þar sem er fræðsla og skemmtun og tækifæri til að spjalla. Kaffi og meðlæti í lok samveru kr. 500   Næstu samverur: 1. [...]

Sunnudagur 29. janúar: Sunnudagaskóli í Akraneskirkju kl. 11 í umsjá Anítu og Ólafar, Valgerður leikur undir. Biblíusaga og söngur. Verið velkomin! Guðsþjónusta á Hjúkrunarheimilinu Höfða kl. 12:45. Sr. Ólöf Margrét leiðir stundina, kór Akraneskirkju syngur, organisti Hilmar Örn. Taizé-messa í Akraneskirkju,  kl. 20 Taizé-messa á uppruna sinn að rekja til bæjarins Taizé í Suður-Frakklandi og byggist hún upp á endurteknum söngstefjum sem kalla fram hughrif kyrrðar. Taizé sálmar, ritningarlestur, hugleiðing og bæn. Kór Akraneskirkju [...]

Velkomin í Opið hús miðvikudaginn 25. janúar 2023 þar sem við gleðjumst saman á þorranum Dagskrá hefst kl. 13:15 Þorramatur Skemmtiatriði, söngur og dans. Veislustjóri er Helga Braga Jónsdóttir, Gísli Einarsson verður á harmonikkunni, prestar og organisti taka einnig þátt. Skráning í síma 433 1500 / 433 1502 eða á netfangið olof@akraneskirkja.is fyrir hádegi 24. janúar. Aðgangseyrir kr. 2000

Velkomin í bænastund og opið hús Fyrsta opna hús á nýju ári er miðvikudaginn 11. janúar, dagskráin hefst kl. 13:15 og lýkur um 14:30. Hallbera Jóhannesdóttir kennari, kemur í heimsókn og segir frá af sinni alkunnu snilld. Opið hús er annan hvern miðvikudag í Vinaminni kl. 13:15. Áhersla er á samveru og skemmtun, að fræðast og gleðjast saman. Dagskráin er sambland af tónlist, erindum frá góðum gestum og fræðslu og skemmtun að hætti hússins. [...]

Prestar, sóknarnefndir og starfsfólk safnaðanna í Garða- og Saurbæjarprestakalli óska ykkur blessunarríks nýs árs. Við þökkum ánægjulegar samverustundir liðinna ára og hlökkum til samveru í helgihaldi og safnaðarstarfi á nýju ári.  Helgihald og safnaðarstarf heldur áfram með hefðbundnu sniði og verið hefur, kvöldmessur verða áfram í Akraneskirkju auk fjölskylduguðsþjónustu einu sinni í mánuði. Bænastundir á miðvikudögum hefjast 11. janúar, sömuleiðis opið hús. Barna- og æskulýðsstarf hefst mánudaginn 16. janúar. Verið velkomin til kirkju! Akraneskirkja [...]

Nú árið er liðið Gamlársdagur, 31. desember: Guðsþjónusta á Hjúkrunar- og dvalarheimilinu Höfða kl. 11:30 Kór Saurbæjarprestakalls syngur undir stjórn Zsuzsönnu Budai, sr. Ólöf Margrét Snorradóttir þjónar. Hvað boðar nýárs blessuð sól? Nýársdagur, 1. janúar: Hátíðarguðsþjónusta í Akraneskirkju kl. 14 Fögnum nýju ári í guðsþjónustu á fyrsta degi ársins. Atli Guðlaugsson og Bjarni og Guðlaugur Atlasynir, sem skipa Tindatríóið, syngja ásamt söngkonunni Björgu Þórhallsdóttur, organisti Hilmar Örn Agnarsson. Prestur er Ólöf Margrét Snorradóttir og [...]

Yfir hátíðarnar er fjölbreytt helgihald í kirkjum Garða- og Saurbæjarprestakalls. Báðar kórar prestakallsins syngja í jólamessunum sem og einsöngvarar og hljóðfæraleikarar. Það gleður okkur að taka á móti kirkjugestum þessi jóla eftir covid takmarkanir síðustu ára. Nánari upplýsingar um dagkránna er hér fyrir neðan. Verið velkomin til kirkju. […]

Kirkjunefnd Akraneskirkju selur þetta fallega kerti til fjáröflunar fyrir nefndina en ágóði af kertasölunni rennur til góðra málefna. Kertið er með mynd eftir Gísla J. Guðmundsson, falleg mynd af báðum vitunum með Akrafjallið í bakgrunn. Hægt er að panta kerti hjá Hjördísi Garðarsdóttur sími 848 2307 og nálgast það alla sunnudaga í aðventunni á vinnustofunum Ægisbraut 30, Akranesi. Kertin eru einnig til sölu í Vinaminni á opnunartíma  

Diddú og drengirnir koma aftur í Hallgrímskirkju í Saurbæ með glæsilega aðventutónleika. Sigrún Hjálmtýsdóttir og sex manna blásarasveit flytur jólatónlist sem heillar alla. Sérstakir gestir þeirra eru Margrét Bóasdóttir, sópran og Kór Saurbæjarprestakalls, stjórnandi Zsuzsanna Budai. Aðgangseyrir kr. 2500.- fyrir fullorðna. Frítt fyrir börn. Verið hjartanlega velkomin að njóta þessarar stundar í kirkjunni.