Garða- og Saurbæjarprestakall

Sunnudaginn 8. september er fjölskylduguðsþjónusta og sunnudagaskóli í Akraneskirkju kl. 11. Tekið verður á móti börnunum með bók og límmiða og sögð biblíusaga. Þráinn Haraldsson og Alda Björk stjórna stundinni, Lenka Meteova spilar á píanó og orgel og Kór Akraneskirkju  leiðir söng. Verið öll velkomin á skemmtilega fjölskyldustund í Akraneskirkju    

Velkomin í sunnudagaskólann Sælir eru friðflytjendur! Sunnudagaskólinn hefst næsta sunnudag 1. september kl. 11 og að vanda verður sungið af gleði, sögð biblíusaga og jafnvel sjáum við hvað Nebbi er að bralla. Alda Björk Einarsdóttir, leikskólakennari, hefur umsjón með sunnudagaskólanum í vetur ásamt Jóhönnu Elísu sem spilar á píanóið. Sr Ólöf og sr Þráinn líta líka inn. Við erum friðflytjendur! er yfirskrift sunnudagaskólans í vetur og fá börnin fallega bók og safna í hana [...]

Sunnudagur 25. ágúst - þrettándi sunnudagur eftir þrenningarhátíð Kristur segir: Allt sem þér gjörðuð einum minna minnstu bræðra það hafið þér gjört mér. Mt 25.40 Kvöldmessa í Akraneskirkju kl. 20. Prestur er sr Solveig Lára Guðmundsdóttir, fyrrum vígslubiskup á Hólum í Hjaltadal. Kór Akraneskirkju syngur, organisti Hilmar Örn Agnarsson. Verið velkomin til kirkju

  Sumarnámskeið fermingarfræðslunnar hefst í næstu viku og stendur frá mánudegi til fimmtudags, 19. – 22. ágúst. Börn úr Brekkubæjarskóla og Heiðarskóla mæta kl. 9 – 12 og börn úr Grundaskóla kl. 13 – 16.   Námskeiðið verður kennt í Safnaðarheimilinu Vinaminni og biðjum við um að mætt sé fimm mínútum fyrr svo hægt sé að byrja á réttum tíma. Boðið verður upp á ávaxtahressingu yfir daginn. Vinsamlegast tilkynnið veikindi eða önnur forföll á [...]

Kvöldmessa í Akraneskirkju kl. 20 Sr Ólöf Margrét þjónar, organisti Hilmar Örn Agnarsson

Sunnudaginn 11. ágúst hefst helgihald að nýju í prestakallinu, kl. 20 í Akraneskirkju. Helgistund á sumarkvöldi! Allir textar lesnir, sumarljóð og sálmar, íhugun og bæn. Sr. Ólöf Margrét leiðir stundina

Skrifstofa Akraneskirkju, Kirkjugarðs Akraness og Útfararþjónustu Akraneskirkju verður lokuð vikuna 22. júlí til  26, júlí Ef ykkur vantar prestsþjónustu er bent á vaktsíma presta í númer 893 5900. Ef  ykkur vantar aðrar upplýsingar eða útfararþjónustu er vaktsíminn 896 4703. Skrifstofan opnar aftur mánudaginn 29. júlí.  frá klukkan 10  

Skrifstofa Akraneskirkju, Kirkjugarðs Akraness og Útfararþjónustu Akraneskirkju verður lokuð föstudaginn 5. júlí Ef ykkur vantar prestsþjónustu er bent á vaktsíma presta í númer 893 5900. Ef  ykkur vantar aðrar upplýsingar eða útfararþjónustu er vaktsíminn 896 4703.  

Það verður hátíðarmessa á 17. júní kl. 13 í Akraneskirkju. Séra Þóra Björg þjónar og nýstúdentinn Guðbjörg Bjartey Guðmundsdóttir flytur hátíðarræðu. Hilmar Örn Agnarsson er organisti og félagar úr Kór Akraneskirkju leiða söng. Eftir messuna verður Kirkjunefnd Akraneskirkju með sýna árlegu 17. júní kaffisölu í Safnaðarheimilinu Vinaminni frá kl. 14-17. Verð fyrir fullorðna er 3.000 kr Börn 6-13 ára 500 kr 0-5 ára frítt. Það verður posi á staðnum. Verið öll hjartanlega velkomin!

Undanfarin ár hafa verið haldnir röð sumartónleika í Hallgrímskirkju í Saurbæ og einnig í ár. Tónleikarnir fara fram á sunnudögum kl. 16 og ágóðinn rennur til styrktar kirkjunnar. Kynnið ykkur endilega áhugaverða dagskrá sumarsins.  

Göngumessa verður við Hallgrímskirkju í Saurbæ sunnudaginn 9. júní kl. 11. Umsjón með göngunni og guðsþjónustunni hafa séra Þóra Björg Sigurðardóttir og séra Kristján Valur Ingólfsson. Gangan er ekki löng en fólk er beðið um að koma vel klætt. Kvöldmessa í Akraneskirkju kl. 20. Séra Þóra Björg þjónar, Hilmar Örn Agnarsson er organisti og félagar úr Kór Akraneskirkju leiða söng.

Sjómannadagurinn hefst með stund við minnisvarða um horfna sjómenn í Kirkjugarði Akraness kl. 10. Verkalýðsfélag Akranes mun leggja blómsveig við minnisvarðan og við minnumst þeirra sem hafa drukknað. Sjómannadagsmessan hefst kl. 11 og í ár verða tveir sjómenn heiðraðir fyrir störf sín. sr. Þráinn Haraldsson þjónar, Kór Akraneskirkju syngur og Viðar Guðmundsson leikur á orgel. Eftir messuna er gengið að Akratorgi og blómsveigur lagður við styttuna af sjómanninum. Þá er sjómannadagsmessa á Höfða kl. [...]