Garða- og Saurbæjarprestakall

Hér má hlýða á Halldór Hallgrímsson flytja eigin texta, Minn bátur,  við lag eftir norska söngvarann Björn Eidsvåg. Lagið var flutt í helgistund sem birt var á allar heilagra messu á síðasta ári. Með Halldóri spila þeir Daníel Friðjónsson á kassatrommu, Ingþór Bergmann Þórhallsson á bassa, Sveinn Arnar Sæmundsson á orgel og sjálfur leikur Halldór á gítar. Það var Ingþór Bergmann sem sá um hljóð- og myndvinnslu.

Kjörnefnd Hafnarfjarðarprestakalls í Kjalarnessprófastsdæmi valdi Sr. Jónínu Ólafsdóttur, prest á Akranesi, sem nýjan sóknarprest í Hafnarfjarðarprestakalli. Hún mun taka til starfa þar þann 1. mars nk.

Barnastarfið hefst á ný þriðjudaginn 26. janúar. Dagskrá fyrir starfið má skoða hér á  heimasíðunni. Það kostar ekkert að vera með og skráning fer fram hér. Starfið er í Gamla Iðnskólanum (Skólabraut 9) og er á eftirfarandi tímum: 6-9 ára starf á þriðjudögum kl.15-16. 10-12 ára starf á þriðjudögum kl.16-17. Æskulýðsfélag (8.-10.bekkur) mánudögum kl. 20:00-21:30.  

Mikil gleði var að fá fermingarbörnin aftur í kirkjuna til okkar í fræðslu eftir miklar takmarkanir undanfarna mánuði. Fermingarbörnin fengu að þessu sinni fræðslu um sorgina, dauðann, tilfinningar og skírnina. Í næstu viku heldur fræðslan svo áfram með öðrum áherslum. Í næstu viku mun æskulýðsstarfið hefjast fyrir 8.-10.bekk (18.janúar) og í þarnæstu viku hefst barnastarfið (26.janúar). Æskulýðsfélagið verður á mánudögum kl. 20:00-21:30 í Gamla Iðnskólanum. 6-9 ára starfið verður á þriðjudögum kl. 15:00-16:00 í [...]

Þrátt fyrir að oft hafi árað betur en einmitt nú í ár í samfélaginu, þá hefur tíminn verið nýttur vel m.a. til framkvæmda, í Garða- og Saurbæjarprestakalli. Í þessari samantekt verður farið yfir það helsta.

"Í lok árs fáum við tækifæri til íhugunar og skoðunar. Við minnumst góðu stundanna og sigranna, með gleði og stolti. Erfiðu stundirnar sem vöktu hjá okkur sorg fljóta líka í gegnum hugann og gera öðruvísi vart við sig en gleðistundirnar á leið sinni þar um. Það getur reynst erfitt að kveðja það sem liðið er og kemur ekki til baka, en það er hollt fyrir okkur að líta yfir farinn veg og gera upp liðna tíma."

Kirkjan.is rakst á fallegt aðventudagatal Akraness og þann 11. desember voru prestarnir í Garða- og Saurbæjarprestakalli gestir dagatalsins sem þau Hlédís Sveinsdóttir og Ólafur Gunnarsson stjórna.

  Nú líður að jólum og tilhlökkunin farin að stíga hjá flestum okkar. Jólin í ár verða samt öðru vísi en öll önnur jól, en nú fögnum við fæðingu frelsarans í skugga heimsfaraldurs. Það er því nauðsynlegt að breyta út af vananum og margt mun ekki fara fram samkvæmt hefðum. Það á eflaust við um mörg jólaboð og annað slíkt. Það sama er að segja um kirkjuna. Í kirkjum Garða og Saurbæjarprestakalls verða ekki [...]